wopon a logo
Wopon wokrjesa Zhorjelca
Dnja 28.01.2009 je wokrjesny sejmik wopon a chorhoj za wokrjes Zhorjelc z wjetšinu hłosow wobzamknył. Symbole we woponu wotbłyšćuja stawizny regiona.
Teritorij wokrjesa słuša k Hornjej Łužicy. Tuž je zakład wopona třicymbrata murja w złotej barbje. W tym złožuje so wopon na symbol Hornjeje Łužicy, kotryž wuchadźeše z Budyskeho měšćanskeho wopona. Třiłopjenata hałžka lipy steji za serbsku ludnosć wokrjesa – lipa je w serbskej mytologiji a tradiciji hłuboko zakótwjeny symbol. Horni dźěl woponoweje tarče je napoł módry a napoł čerwjeny. Tole symbolizuje zwisk k hornjołužiskej muri a k čěskemu lawej. Čěski law reprezentuje dołhu a měnjatu přisłušnosć k čěskej krónje. Delnjošleski worjoł zwobraznja kulturnu identifikaciju dźěla ludnosće našeho wokrjesa ze Šleskej.
Dnja 28.01.2009 je wokrjesny sejmik wopon a chorhoj za wokrjes Zhorjelc z wjetšinu hłosow wobzamknył. Symbole we woponu wotbłyšćuja stawizny regiona.
Teritorij wokrjesa słuša k Hornjej Łužicy. Tuž je zakład wopona třicymbrata murja w złotej barbje. W tym złožuje so wopon na symbol Hornjeje Łužicy, kotryž wuchadźeše z Budyskeho měšćanskeho wopona. Třiłopjenata hałžka lipy steji za serbsku ludnosć wokrjesa – lipa je w serbskej mytologiji a tradiciji hłuboko zakótwjeny symbol. Horni dźěl woponoweje tarče je napoł módry a napoł čerwjeny. Tole symbolizuje zwisk k hornjołužiskej muri a k čěskemu lawej. Čěski law reprezentuje dołhu a měnjatu přisłušnosć k čěskej krónje. Delnjošleski worjoł zwobraznja kulturnu identifikaciju dźěla ludnosće našeho wokrjesa ze Šleskej.
Wokrjes Zhorjelc z nowej optiku
Z jednotnym wuhotowanjom lěpje do cyłka zrosć
"Wokrjes Zhorjelc – tu sym doma" - z tutym hesłom a z nowym, modernym wuhotowanjom wobroća so wokrjes Zhorjelc wot julija 2011 na swojich wobydlerjow a hosći. Z tym dóstawa lěta 2008 po wokrjesnej reformje a zjednoćenju třoch teritorialnych jednotkow nastaty wokrjes prěni raz jednotny a njezaměnliwy napohlad.
Spěšnje sej čłowjek tute logo spomjatkuje, kiž je w barbje wjesneje zelenje a w oranžnej barbje za aktiwnosć wuhotowane: „wotćišć nohi“ w formje geografiskeho wobrysa wokrjesa Zhorjelca. Z tym je tónle symbol jónkrótny; žadyn wokrjes w Němskej tajku formu nima. W zwisku z hesłom „Wokrjes Zhorjelc – tu sym doma“ symbolizuje logo hesła: zawostajenje slědow, wědźeć, hdźe słušeš a zwjazanosć z domiznu. Tute hódnoty wokrjesne zarjadnistwo w komunikaciji z wobydlerkami a wobydlerjemi do srjedźišća staja. Nowe poselstwa skedźbnjeja při tym konsekwentnje na sylnosće a jónkrótne kajkosće wokrjesa Zhorjelca: spušćomnosć njedźiwajo komplikowanych hospodarskich wobstejnosćow we wokolinje, pioněrsku rólu we wobchadźenju z demografiskej změnu a wobmjezowanym financnym wuhotowanjom, na ludźi z idejemi, kiž so gratu přimaja a kiž so zahorjeja za nowe wužadanja a za zelenu, kulturnje atraktiwnu wokolinu, wulku žiwjensku kwalitu. Skrótka prajene: na domiznu, w kotrejž sy rady a derje žiwy.
