Witajće do wokrjesa Zhorjelca

Landrat Bernd LangeČesćene wobydlerki a wobydlerjo,

wutrobnje witajće do Zhorjelskeho wokrjesa. Wot 1. awgusta 2008 su něhdyše wokrjesy Lubij-Žitawa, wokrjes Delnja Šleska/Hornja Łužica a město Zhorjelc, kiž je so statusa bjezwokrjesneho města wzdało, zjednoćene.

Naš wokrjes je mjez dźesać nowymi wokrjesami w Sakskej třeći najwjetši a słuša z wěstosću sobu k najzajimawšim, wšako je jara mnohostronski a wotměnjacy. Ma wulkotnu krajinu, města z bohatymi stawiznami a wsy z jónkrótnymi zajimawostkami, hdźež bydla ludźo, kiž pěstuja lětstotki stare tradicije a nałožki.

Wosebitostki su mjez druhim Park wjercha Pücklera w Mužakowje – kiž je swětowe kulturne herbstwu UNESCO –, Wulki póstny rub z lěta 1472 w Žitawje a za Hornju Łužicu typiske tykowane domy ze stołom, wuskokolijata železnica w Žitawje a lěsna železnica w Mužakowje. W turizmje, hospodarstwje a kubłanju móžemy potajkim wjele poskićić.

Maće-li přeća, prašenja, přispomnjenja abo namjety nastupajo dźěło zarjadnistwa wokrjesa Zhorjelca, napišće mi prosće na mailowu adresu landrat@kreis-gr.de

Waš
Bernd Lange
krajny rada

adresa
Krajnoradny zarjad Zhorjelc/ Landratsamt Görlitz
Dwórnišćowa/ Bahnhofstraße 24
02826 Görlitz/Zhorjelc
póstowa adresa

Krajnoradny zarjad Zhorjelc/Landratsamt Görlitz
(mjeno zarjada)
PF 30 01 52
02806 Görlitz/Zhorjelc


wotewrjenski čas

přehlad stejnišćow a rozdźělenje zarjadow w domach krajnoradneho zarjada